هاى ... وحشتونى كلكم .. أنا اسفة على الغيبة الطويلة دى لكن صدقونى مش بإيدى .. المهم انى ولله الحمد اخترت التخصص بتاعى وهو قسم التخدير والعناية المركزة .. اكيد الكل هيستغرب ليه العبيطة دى مخدتش نسا ولا باطنة ولا اى حاجة مفيدة تانى ... بس انا مؤمنة ان ده نصيب ربنا كتبه ويا مسهل .. لكن حبيت تشاركونى الرأى .. ايه رأيكم ف القسم ده .. عشان رأيكم يهمنى .. وكمان ناس كتير واخدين انطباع عن التخدير خاطئ .. وانا عندى النيه اصلح المفهوم اللى عند الناس ده
وبعدين انا غير مسئولة عن اللى التدهور اللى حصل ف البلوج ده .. هى لوزة التحفة .. جت بعد العيد وتوقفت عن العمل ولا حياه لمن تنادى ... انا اتسندت على حيطة مايلة .. انا عارفة انها مايله لكن مكنتش فاكرة انها مايلة للدرجادى
هههههههههههههههههههههه
فتكم بعافية
7 comments:
اول تعليق
بعد الغيبه الطويله
ل
رومانسى
ايه الغيبه الطويله دى
حمد الله على سلامتك طبعا المهم انك رجعتى بالسلامه وبعين اكيد صاحبتك بتحبك قوى
BiG HuG .. .
وحشتييييييييييييييييييييييييني ..
وايه الي انت بتقوليه ده .. انا حيطة مايلة .. ايه هوه انت فكراني فاضية .. ما أنا كمان متبهدلة وحالتي بالبل .. عموما انا عندي حاليا امتحنات .. وربنا يستر ..
والا علشان مبشتكيش يعني ..
وهوه انت فكره مفيش حد مش فاضي غيرك .. وانت بس المشغولة الوحيدة .. مهو علشان حضرتك دلوعه .. وكل شويه تصوتي تعبت ومش عارفه ايه ..
ومتبهدله .. وتعبت .. ده يا بنتي دلع ..
آخر ما توقعته منك لما ترجعي .. بدل ما تقولي كويس لوزا حافظت عل بقاء البلوج حي يتنفس تحت الأنقاض .. تقولي كده ..
اخص ..
*************************
وايه قسم الحقن بتاعك ده ..
انا بكره الحقن ..
*************************
بالنسبة لختيارك .. فانت حره يا حلوه والحاجه الي تلاقي نفسك فيها .. أكيد هتكون أحسن اختيار ليكي .. عموما انا وآرام فرحنا خالص لما عرفنا انك دخلتي تخدير .. آرام قالتلي ان انت نفسك فيها .. ربنا يوفقك في كل مجال .. وبعدين انت شطورة وميتخافش عليكي ..
حقن حقن .. ربنا يستر .. المهم خليكي بعيد عني ..
والله ليكي وحشة يا بنتي ..
فتك بعفية ..
يا زين ماخترتى بجد
هوا دا الكلام
والله وبقيتى زميله:))
وعموما اى سؤال او استفسار فى التخدير والعنايه اخوكى سداد وهاحاول افيدك بخبراتى الكبيرة:))
بجد بجد تخصص تحفه وهاتتبسطى فيه جداااااااااا
romancy;
مبروك عليك اول تعليق
الله يسلمك .. وشكرا لمرورك
متقطعش الجوابات
loza
Big hug to u too
وحشانى قوى قوى يا عسل .. لا والله مش حيطه مايلة د انا بهزر
كفاية التاج اللى طلع عنيكى ده
ههههههههههههههههههههه
حلوه حقن دى
لو كانت حكاية حقن بس كانت تبقى سهلة
المهم دعواتكم مع اختكم اللى هتبقى رسميا ف اول شهر 3 المواطن المطحون الجديد
هههههههههههههههههه
blue-wave
اهلا اهلا زميلى العزيز .. انت فين من زمان .. انا محتاجة كلمتين من دول .. روح يا شيخ الله يرفع معنوياتك زى ما رفعت معنوياتى
بصراحة .. انا اخدت تخدير عن اقتناع .. لكن لما بدأت احضر لاقيت ان الموضوع صعب قوى وخفت قوى قوى
.. لكن ربنا يسهل ان شاء الله
وهمتك معيا بقى
سعيده لمرورك وشكرا لكلامك
Post a Comment