Happy Birthday To LOLLA.. . (^_^) . ..

Badr& Anees.. .

Badr& Anees.. .

خمسة رغى

كح كح كح ... اووووووووح .. ياساتر.. كل ده تراب؟؟

طبعا اكيد .. محدش هوب ناحيت المدونة سبع شهور .. ياااااااااااه .. سبع شهور ؟؟ عدو زى الهوا . كأنى كنت لسه بكلمكم امبارح
بس برضه مش هقول وحشتونى .. ولا هقول اشتقتلكم .. لانكم طول الوقت ع البال وع الخاطر.. عمرى ما نسيتكم
عمرى ما نسيت ايامى الحلوه اللى كنت بقضيها معاكم .. تعليقاتكم وردودكم .. ولوزه الحلوه وحشتنى مناقرتها معايا .. والفضايح اللى بنعملها ع الهوا ..ههههههههه
انا زى اى حد .. استلم وظيفه .. الشغل اخدنى .. اخدنى لبعيييييييييييد .. لدرجه ابتديت فيها احس بالاكتئاب .. وخصوصا مجال الطب .. يااه .. انا مكنتش فاكره كده ابدأ .. اتحولت لمواطن مطحون فظيع .. مش عارفه ارفه عن نفسى .. مش عارفه حتى اشم هوا .. زى السجن .. زى الجيش .. لأ تصدقو .. الجيش اهون
المهم ادركت فى النهايه ان صحتى فوق كل شئ .. والحمد لله بقدر الامكان قدرت اظبط امورى .. يعنى السبع شهور اللى فاتو دول ممكن يعتبرو دوامه مؤقته .. او مطب كبير وعدى وادينى رجعتلكم تانى والحمد لله
انا محضرتش كلام معين اقوله .. انا قلت اعدى ارغى معاكم شويه
عارفين .. ممكن الواحد يرفه عن نفسه بطرق كتيره قوى .. حتى ف بيته من غير ما ينزل .. انا كل يوم بالليل اقف فى البلوكنه واتفرج على الاولاد وهم بيلعبو كوره ف الشارع .. منظرهم جميل قوى .. ساعات فجأه تلاقى حركات وتمريرات وترقيصات رهيبه .. ميعملهاش حتى لوناردينهو .. حتى لو قلت للى عملها يعملها تانى مش هيعرف .. بتبقى حاجات وليدة اللحظه .. ساعات الواحد بيتفرج على ماتش ف الشارع احسن بكتيير قوى من ماتش على التلفزيون بيلعبو فيه المع النجوم
وده خلانى افتكر حاجه تانيه .. الناس اللى بتلعب فيفا ف البلاى شتايشن .. بتغاظ منهم قوى .. ايه الفايده يعنى انى اقعد بالساعات اتحكم فى واحد وهو بيشوط الكوره .. انا حاسه ان اللى اخترع لعبت الفيفا دى اخترعها للمعوقين .. اللى عمره ما هيلعب كوره ف حياته وبكده بيعوض حاجه مش بيقدر يعملها
لكن لما واحد طويل عريض يلعب فيفا بالساعات .. شئ عجيب طبعا .. ما يهز طوله كده .. ويلبس الكوتشى ويمسك الكوره ويجمع اصحابه وينطلق .. بجد اجمل وافيد
متفهمونيش غلط .. انا بحب البلاى شتايشن جدا .. لكن فى كراش .. تومب رايدر .. العاب حربيه .. حاجات يعنى منقدرش نعملها . لكن الكوره طبعا بتبقى احلى على ارض الواقع
غير العيال اللى بيلعبو كوره .. فى شئ عجيب جدا بيحصل كل يوم وعاوزاكم تفكرو معايا تفسيره ايه
البلوكنه بتبص على صيدليه .. كل يوم فى ساعة متأخره من الليل .. بعد ما الصيدليه دى تقفل .. واحد بييجى يفتحها ويدخل ويقعد فتره قصيره وبعدين يطلع يقفل الصيدليه ويمشى .. انا فى الاول افتكرته ممكن يكون ناسى حاجه .. لكن لاقيت الحكايه بتتكرر كل يوم .. وف نفس التوقيت .. اموت واعرف ايه اللى بيعمله
وغير اللى بيعمله .. انا مستغربه على تظبيطة التوقيت كل يوم .. غريبه مش كده؟؟؟
عندنا كمان جارنا اللى ساكن قدامنا .. عنده عاده غريبه جدا .. بيطلع اكياس الزباله بره البيت فى تمام الساعه الواحده بعد منتصف الليل .. كل يوم بقاله سنين .. مش عارفه ازاى وليه مواظب عليها بالظبط .. ممكن تكون حاله نفسيه ؟؟ الله اعلم ههههههههههه
يارت كل حاجه تتعمل مظبوت زى اكياس الزباله .. مكانش هيبقى ده حالنا
كلها حاجات بسيطه صغيره لكن ممتعه .. لو كل واحد فينا خلى حياته كلها مغامرات .. حتى وهو ف بيته .. ويخرج عن الروتين . اكيد هيبقى احلى
طولت عليكم فى الرغى .. دى مبقتش خمسه رغى .. دى بقت خمسين رغى ..هههههههههههههههه
سلام

إذا كنت طبيعى

البوست ده جانى ع الايمال ... اكيد فى منكم عارفه .. لكن هو عجبنى قوى .. اللى مقراهوش يقراه

اسئلة عاديه وطبيعية إذا كنت طبيعي

لماذا عندما تكون بطارية (الريموت كونترول) ضعيفة نقوم بالضغط بقوة على الأزرار؟؟

يعني بنشحن البطارية!!؟؟

لماذا نخفض صوت المسجل أو (الراديو) في السيارة عندما نشعر بأننا دخلنا بالطريق الخطأ؟؟؟

يعني كدة هنعرف الطريق الصحيح!!؟؟

لماذا نقول هدية مجانية؟؟ وهل يوجد هدية غير مجانية!!؟؟

لماذا عندما نكون داخل المنزل والسماء تُمطر نتسائل: هل السماء تُمطر برة؟؟

يعني عمرها مطرت جوة مش برة!!؟؟

لماذا عندما نقرأ على الحائط 'احترس من الدهان!' لا نصدق بل نجرب ذلك بأصبعنا؟؟

يعني اللي دهن الحائط لازم يحلف!!؟؟

لماذا عندما توقف سيارتك في موقف خالي من السيارات يأتي واحد بعدك ويوقف سيارته بجانب سيارتك؟؟

يعني يسيب الموقف كله ويوقف جنبك!!؟؟

لماذا عندما يتأخر المصعد نضغط عدة مرات على الزر؟؟

يعني كدة هيستحي على دمه ويجي بسرعة!!؟؟

لماذا عندما تكون منتظراً المصعد ويأتي شخص آخر تجده يضغط الزر أيضاً لطلبه؟؟

يعني انت كيس جوافة!!؟؟

لماذا نفتح فمنا عندما نقوم بإطعام الطفل الصغير؟؟

يعني إحنا اللي بناكل واللا هو!!؟؟

لما تكون قاعد في مكان عام وتسمع رنة محمول ليه على طول تطلع محمولك..؟؟

يعني مش عارف رنتك واللا أنت حضرتك مهم أوي عشان يرن (موبايلك) بين كل البشر دي!!؟؟

لماذا نشعر بالنعاس ونحن نُصلي.. ولكننا نستيقظ فجأة ونشعر بالنشاط فور انتهائنا من الصلاة ؟؟؟؟؟

مش قادر على شيطانك للدرجة دي ؟

لماذا نسهر الليل كل يوم من أجل مباراة في كرة قدم أو مشاهدة فيلم أو مجالسة صديق ولا نسهر بقراءة القرآن أو الصلاة؟

ما يستاهلوش ؟

واللا انت مستكتر على نفسك الجنة ؟

ليه بدأت تحس بالملل دلوقتي لما الكلام دخل في دين الاسلام ومش عايز تكمل ؟ لكن كنت مبسوط وانت بتقرا النكت ؟

الكلام لسة هيحلو أكتر

لماذا نستيقظ باكراً من أجل العمل ولا نستيقظ من أجل صلاة الفجر؟

ركعتي الفجر خير من الدنيا وما فيها

لماذا نخشى مراقبة الناس لنا ولا نخشى مراقبة الله؟

غافر الذنب وقابل التوب ... شديد العقاب

لماذا نُنفق الأموال الكثيرة للمتع والرحلات مع أنها زائلة، ونبخل بالصدقات على الفقراء مع أنها باقية؟

الصدقة تطفئ الخطيئة كما يطفئ الماء النار

لماذا يصعب علينا الكلام عن الله تعالى وأمور الدين... ويسهل علينا الكلام عن باقي الأشياء؟؟؟؟؟

اللي بيذكر ربنا مع ناس ربنا بيذكره في ملأ من الملائكة ... ولذكر الله أكبر

لماذا نقول أننا نُحب الله ونحن نعصيه..؟؟ ونقول أننا نكره الشيطان ونحن مطيعين له ولجنده؟

ان المحب لمن يحب مطيع

لماذا نمسح الرسائل الإلكترونية التي تتحدث عن الأمور الدينية... ونقوم بإعادة إرسال الرسائل العادية؟؟؟

حاجة بسيطة تتقل ميزان حسناتك .... دي الحسنة بعشر أمثالها

..لماذا نُحب سماع الأغاني بسياراتنا...؟؟ ونكره سماع القرآن فيها

.القرآن نور للصدر وجلاء للهم والحزن

لماذا نرى أن المساجد أصبحت شبه مهجورة... وأن المقاهي والاستراحات والملاهي أصبحت عامرة؟؟؟

ده المسجد بيت الله ... وربنا بيكرم زواره فهو أكرم الأكرمين

لماذا لا نُحب من ينصحنا ويُريد لنا الجنة...!!؟؟ ونبتعد عنه ونُحب من يقودنا إلى المعاصي ونتقرب منه وإذا افتقدناه نبحث عنه؟؟؟

واصبر نفسك مع الذين يدعون ربهم بالغداة والعشي يريدون وجهه ولا تعد عيناك عنهم تريد زينة الحياة الدنيا ولا تطع من أغفلنا قلبه عن ذكرنا واتبع هواه وكان أمره فرطا

لماذا نذكر عيوب الناس دائماً وننسى عيوبنا؟

قبل ما تقول حاجة وحشة على مسلم افتكر ان الغيبة عقابها عظيم وقبل ما تظن السوء في حد ... التمس لأخيك سبعين عذرا

... لماذا نبكي من أغنية صد وهجر ولوعة ولا نبكي من آية جميلة تذكر بالله وخشية الله؟مش بننصت للقرآن مع انه حوالينا في كل حتة

واذا قرئ القرآن فاستمعوا له وانصتوا لعلكم ترحمون

لماذا نغضب إذا انتُهكت حرماتنا ولو بكلمة..؟؟ ولا نغضب من انتهاكنا لحرمات الله...؟؟

ما انتقم رسول الله صلى الله عليه وسلم لنفسه قط إلا أن تنتهك حرمة من حرم الله

هل ستفكر فيما قرأت ملياً؟؟ هل ستحاول أن تغيّر حالك؟؟

يا رب يهدينا ويهديكم جميعا ويغفر لنا

هل سترسل هذه الرسالة لأصدقائك؟؟؟

دلوقتي أول حاجة قول .. أستغفر الله العظيم ... من قلبك

هاى ... وحشتونى كلكم .. أنا اسفة على الغيبة الطويلة دى لكن صدقونى مش بإيدى .. المهم انى ولله الحمد اخترت التخصص بتاعى وهو قسم التخدير والعناية المركزة .. اكيد الكل هيستغرب ليه العبيطة دى مخدتش نسا ولا باطنة ولا اى حاجة مفيدة تانى ... بس انا مؤمنة ان ده نصيب ربنا كتبه ويا مسهل .. لكن حبيت تشاركونى الرأى .. ايه رأيكم ف القسم ده .. عشان رأيكم يهمنى .. وكمان ناس كتير واخدين انطباع عن التخدير خاطئ .. وانا عندى النيه اصلح المفهوم اللى عند الناس ده

وبعدين انا غير مسئولة عن اللى التدهور اللى حصل ف البلوج ده .. هى لوزة التحفة .. جت بعد العيد وتوقفت عن العمل ولا حياه لمن تنادى ... انا اتسندت على حيطة مايلة .. انا عارفة انها مايله لكن مكنتش فاكرة انها مايلة للدرجادى

هههههههههههههههههههههه

فتكم بعافية