CLICK HERE FOR THOUSANDS OF FREE BLOGGER TEMPLATES »

Tuesday, August 19, 2008

TAG.. .







1
قبل اسمك ماذا تحب ان تكتب ؟؟


Lolla..



دى ليها كذا اجابة يعنى ... طبعا ابدأ بسم الله الرحمن الرحيم والصلاة والسلام على رسول الله
وبعدين مالكم مستعجلين ليه .. مش تستنوا لما اتجوز واخلف عيل عشان اكتب اسمه ف الشهاده قبل اسمى على رأى الشيخ المبجل جمال البنا اللى قال ان الابناء ينسبوا لامهاتهم بارك الله فيه وبهدلنا الدنيا
وبعدين ايه السؤال العجيب ده من اولها .. هكتب قبل اسمى ط ت .. يعنى طبيب تدريب مش محتاجه فكاكة الحكايه


ـــــــــــــــــــــــــــــــــــــــــــــــــــــ

Loza..


*******************************************

2
قطار حياتك الى اين يتجه؟؟



Lolla..



اما انتو ناس قديمة صحيح ... الا انتوا متعرفوش ؟؟ مش قطر حياتى اتقلب من زمان وكان حادث مروع جه على السى ان ان .. لكن انا نجيت بأعجوبة وقعدت امشيها على رجليا ف الصحرا .. لحد ما حاليا ربنا اكرمنى ولاقيت جمل ركبته ... وطبعا احنا دلوقتى متجهين لحته يكون فيها ميه عشان احنا هنموت من العطش
ـــــــــــــــــــــــــــــــــــــــــــــــــــــ


Loza..



just take it ...

*******************************************

3

ما جريمة الحضارة من وجهه نظرك؟؟


Lolla..

دخلنا ف الجد .... جريمة الحضارة اننا اتمسكنا بيها وخليناها نهاية المطاف .. لدرجة اننا تكاسلنا واصبحنا مش بنضيف اى جديد بحجة اننا عمرنا ما هتشوبنا شائبة .. عشان الناس كلها بتحلف بحضارتنا اللى هى مش احنا اللى عاملينها اصلا ... ياريت ماكانش عندنا حضارة .. يمكن كنا اجتهدنا وبذلنا وعملنا بنفسنا حضارة نفتخر بيها






Loza..

أعتقد اجتماع بدر وأنيس ..


*******************************************


4
حيوان تشعر انه مظلوم ؟؟


Lolla..

الحمار طبعا ... ماكفاش الناس انها بتضربه وبتثقل عليه الحمولة .. ومش بيأكلوه .. كمان دلوقتى بيدبحوه ويبيعوا لحمة ... تصدقوا بالله انا قلبى بيتقطع لما اشوف واحد نازل فى الحمار ضرب .. ببقى نفسى اديه بالجزمه .. وبطالب كل الحمير اللى ف البلد بالهجرة .. احسن هم اصبحوا مهددين بالانقراض


ـــــــــــــــــــــــــــــــــــــــــــــــــــــ


Loza..

الديناصور ..
هههههههههه


أغنية ليها ذكرى مع الحمير ...

هههههههههه
اعتبرو جماعة مظلومة بتغني

*******************************************

5
حقيبة اسرارك الى من تودعها؟؟



Lolla..

بصراحة .. حقيبة اسرارى طول عمرها عندى .. وعمرى ما اودعتها لحد .. غير الله سبحانه وتعالى .. لان الاسرار ضعف ... وانا مبحبش ابقى ضعيفه حتى لو قدام اعز عزيز
هتقولوا .. لازم اشارك اسرارى مع حد عشان احل مشاكلى .. لكن الحمد لله ..
مشاكلى بحلها لوحدى وبهدوء


ـــــــــــــــــــــــــــــــــــــــــــــــــــــ


Loza..


*******************************************

6
احد علماء النفس قال ذات مره:انه باستطاعة الانسان العيش من دون الاصدقاء .. ماذا ترى انت ؟؟



Lolla..


هو فين الراجل الغبى ده ؟؟ هاتوووووووووه .. هأكله علقه ماكلهاش حمار ف مطلع .. الاصدقاء زينة الحياه .. مافيش احلى من الاصدقاء .. طبعا هتفتكروا ان فى تناقض بين الكلام ده والاجابه اللى قبلها لكن انا مش شايفه ان فى تناقض .. احلى حاجه ف حياتى انى اسمع مشاكلهم واساعدهم على حلها .. مع انه موضوع متعب لكن جميل

ـــــــــــــــــــــــــــــــــــــــــــــــــــــ

Loza..

سلام على الدنيا اذا .. لم يكن بها صديق صدوق .. صادق الوعد منصف ..

*******************************************


7
اين تأخذك ذروة الغضب؟؟


Lolla..



اااااااااااه .. بتاخدنى لحتة مش عاوزه اى حد منكم يروحها ..
نسيت اقولكم انى عصبية جداااااااا ..
ولما اتعصب مبعرفش حد


ـــــــــــــــــــــــــــــــــــــــــــــــــــــ

Loza..





*******************************************
8
ما اجمل شئ ف الاسلام؟؟


Lolla..



مع احترامى للى حط السؤال .. هو سؤال ساذج وغبى .. لانى ازاى ادور على اجمل شئ في حاجه لا يضاهيها شئ فى الجمال .. عشان اشوف الاجمل لازم يكون فى الجميل وفى نص ونص وفى وحش ... لكن ازاى ادور ع الاجمل ومافيش كونتراست اصلا
ممكن لو قلنا الذ عباده .. هى مناجاه الله عز وجل فى جوف الليل والناس كلها نايمة .. والشكوى ليه .. والمذله ليه

ـــــــــــــــــــــــــــــــــــــــــــــــــــــ

Loza..


أخلاق المسلم


*******************************************

9
لماذا لم تصبح مشهورا؟؟


Lolla..


انتوا عارفين طبعا .. انا جتلى فرص كتييييييره قوى .. لكن انا معنديش وقت .. ههههههههههههههه
الاجابه تعتمد على تعريف الشهرة ... لو الشهرة اللى متعارف عليها بتاعت الهشك بشك .. فالشهرة دى ع الجزمة القديمة
انما مبدأ .. ان اكرمكم عند الله اتقاكم .. ده كلام تانى .. لما تخلص لله عز وجل .. الى ان يباهى الله بك الملائكة .. فما احلى الشهرة .. ويارب يقدرنى ويقدركم ونبقى كلنا مشهورين




Loza..

وفي أشهر من بدر وأنيييييييييييس



*******************************************

10
متى يعاندك النسيان؟؟


Lolla..
ده اسلوب بلاغى ... صور النسيان كأنه بنى آدم بيعاند .. ما شاء الله .. يعنى امتى بنسى .. طب ما تسألوا السؤال دغرى حولتو دماغى .. بس خدو بالكم انتو بتقولو انه عاندنى مش معنى كده انه كسبنى ..ههههههههههههه
الاجابة تتلخص فى ... شكوت لوكيع سوء حفظى .. فقال لى ان العلم نور وان نور الله لا يهدى لعاصى
ـــــــــــــــــــــــــــــــــــــــــــــــــــــ


Loza..


When I am busy with thinking


*******************************************


11
متى يقسو قلبك؟؟


Lolla..


محصلتش قبل كده .. بس لو حصلت ممكن عشان احاول اخبى ضعفى

ـــــــــــــــــــــــــــــــــــــــــــــــــــــ


Loza..


*******************************************

12
هل حدث ان انتصرت على نفسك يوما واحصيت عيوبك؟؟



Lolla..



سؤال خاطئ .. لان احصاء العيوب تجديد للنفس .. يعنى لمصلحت النفس .. وبعدين نفس البنى ادم مش شريرة للدرجه دى .. ممكن حتة الكبر دى قدام الناس
المهم انى طول عمرى بحصى عيوبى وبدرسها وبحاول اصلحها .. وده مش عيب ابدا

ـــــــــــــــــــــــــــــــــــــــــــــــــــــ


Loza..



*******************************************

13
ما هو انطباعك عن السياسة ؟؟



Lolla..



انتو عاوزين تودونى ف داهيه .. خلينا جنب الحيط ..هههههههههه
انا انطباعى عن السياسة زى بالظبط انطباعى عن شرايط شعبان عبد الرحيم .. او افلام الشحات مبروك اللى يارب يتهد ويقعد ف البيت .. وزى انطباعى عن الحضارة الموزمبيقية
ـــــــــــــــــــــــــــــــــــــــــــــــــــــ


Loza..


كإنطباع توجو عن التحقيق ..


*******************************************
14
متى تخجل من نفسك ؟؟


Lolla..

بخجل من نفسى لما اسيئ الظن فى حد .. وخصوصا لو عزيز عليا ويطلع مظلوم

ـــــــــــــــــــــــــــــــــــــــــــــــــــــ

Loza..




*******************************************

15
في زمن البحث عن المادة ... عن ماذا تبحث أنت ؟


Lolla..


والله ؟؟ هم بيبحثوا عن الماده؟؟
طب ربنا يوفقهم على كده .. طب صلب ولا سائل ولا غاز ..
عاوزين نقدم المساعدة

انا الحمد لله مش ببحث عن حاجه .. كل حاجه ادهانى ربنا بحمده عليها ..
ادور على ايه تانى وسط كل النعم دى؟

ـــــــــــــــــــــــــــــــــــــــــــــــــــــ

Loza..


عن أحبتي

*******************************************

16
ماهو هدفك بالحياة؟



Lolla..

رضا الله .. والوالدي





Loza..

رضى الله


*******************************************

17
ضمن من تصنف نفسك سلبي ام ايجابي؟



Lolla..

طبعا مش هعمل فيها بنت ام شملول واقول ايجابية كده وش
احيانا ببقى ف موضع السلبى عشان مفيش مكان تانى اروحه .. او لو اخدت الدور الايجابى هبقى كأنى بنفخ ف قربة متهربده
ف مواقف تانيه باخد دور الايجابى .. واحيانا ببقى ايجابية وبقوه
يعنى زى ما تيجى .. وربنا يقدرنى




Loza..

*******************************************

18
عندما ياتي احد اليك قريب واخر بعيد يستنجدك بمشكله هل ستتعامل مع الحالتين بنفس الاسلوب؟


Lolla..

غالبا ... ايوه .. لكن احيانا مع الغريب اكتر .. مش عارفه ده صح ولا غلط لكن هو اللى بيحصل




Loza..

*******************************************

19
عندما يحتد النقاش وتحس انك تناقش موضوع لاجدوى من مناقشته لانه لن يتغير الوضع ماذا تفعل؟


Lolla..



عارفين ف افلام الكرتون لما الشخصيات تتخانق مع بعض ..
وتظهر سحابة كبيره خااااالص وعامالين يتخانقو فيها ..
وفجأه تلاقو واحد منهم اتسرسب من السحابه؟
اهو انا هعمل زيه بالظبط


ـــــــــــــــــــــــــــــــــــــــــــــــــــــ

Loza..

*******************************************

20
عندما تتناقش ايضا في موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟



Lolla..


هرفع القبعة احتراما .. واعتذر لسعادة الباشا ..
وهعصر على نفسى كيلو ونص لمون واجيبله قزازة الحاجة الساقعة
اللى كان مراهنى عليها

ـــــــــــــــــــــــــــــــــــــــــــــــــــــ

Loza..



*******************************************
21
لو تفاجئت بخيانه شخص عزيز ايا كان كيف تتصرف معه؟


Lolla..


اه .. الا الخيانه .. غالبا هتكون النهايه المقاطعة ..
الا لو ظهرت ملابسات الامور وسوء تفاهم وظروف اضطرته انه يعمل كده ..

هحاول .. هحاول اسامح .. لكن خيانه للخيانه .. مع الف سلامة


ـــــــــــــــــــــــــــــــــــــــــــــــــــــ

Loza..



وهنوكل ربي ..

*******************************************

22
لو طلب منك تولي منصب الوزير من تختار من الوزارات وماهي قراراتك؟


Lolla..


وزيرة اعلام .. القرارات
اول حاجة هجيب مكنسة وجارووف .. وهكنس القزارة اللى ماليه القنوات دى ..
وبعدين نستخدم الكلور والفنيك

قنوات الكرتون هتزييييييييييييييييييييد
وينى ذا بووه .. هيتصدر كل القنوات حتى الاخباريه
حلقات عالم سمسم هتملى الدنيا
الفواصل الاعلانيه هتتلغى .. هيبقى فى فترة اعلانات الصبح وفترة بالليل وبس ..
والراجل يفتح بقه

قناة الجزيرة هلغيها .. لانها ممله ومبحبهاش ..
وبحس ان اول اهتماماتها تصدر قائمة افضل القنوات الاخباريه
بغض النظر عن حل مشاكل الناس وظهور الحقيقة

اوعوا تفتكروا انى شخصيه قافله .. هيبقى فى اغانى ومسلسلات وافلام عربى واجنبى
.. بس بعد مانرش ونمسح .. عشان الصراصير والدبان والبراغيت يمشوا ..
عشان الفرجه تبقى على نضافه

الممثلين والممثلات رؤوس الفساد ..
هيتفصلوا مع اجر رمزى لحد ما يبانلهم صاحب

واخيرا .. درع تكريم الاعلاميين والممثلين هيبقى حديد مطلى ..
لادهب ولا فضه ولا الكلام الفاضى ده ..
فى ناس مش
لاقيه تاكل

ـــــــــــــــــــــــــــــــــــــــــــــــــــــ

Loza..



وزيرة بيتنا ..


*******************************************
We gonna tagged it to :-


Mosmat. Lona PinkShadow..

Momken. Tamer..

Shah. Lona Meouth..

SH. Mahammed..







Sorry for delay LOlla ...

and have a blessed Ramadan to all ...




Badr& Anees.. .