السلام عليكم يا جماعة ... الحقيقة البوست ده امتداد لبوست لوزة .. او تعقيب عليه
وطبعا انتم قريتوا بوست لوزة وعارفين الموضوع
الحكاية بدأت ان الناس المسيئين للاسلام ابتدوا نشاطهم وبمنتهى القوه .. وبالذات ف الآونة الاخيرة .. عشان يشوهوا صورة الرسول عليه الصلاة والسلام .. وانى لهم طبعا
فقاموا الناس الغيورين على الاسلام اللى ذكرتهم لوزه بالشكوى ضد البرنامج .. والبرنامج طلب تصويت اتنين مليون مسلم عشان يزيلوا الحجرة من البرنامج .. وقامت لوزة شاكرة .. انها تنشر الموضوع عشان تتاح فرصة للتصويت .. ونبقى كده اخدنا ثواب الايجابية .. من أجل الاسلام
ولكن يبقى السؤال ..... هل تصويت اتنين مليون مسلم من أجل ازالة حجرة ما من برنامج ما .. كافى للدفاع عن الاسلام والرسول ؟؟
هل مجرد توقيع بإستخدام مفاتيح التحكم والماوس .. كافى لرفعة الاسلام؟؟ .. هل نقدر نقابل بيها ربنا ونقول احنا كنا ايجابيين ووقعنا تصويت؟؟ .. انا عارفة ان رأيكم انه مش كافى طبعا
وتعالوا هنا .. موضوع الاساءه للرسول وما اثاره من ضجة عالميه فى كل العالم الاسلامى من مشرقه لمغربه .. والشركة اللى فيها الحجرة مدركة كدة تماما .. هل يتطلب توقيع اتنين مليون للتأكد؟؟ .. واشمعنى اتنين مليون؟؟
انا أسئلتى كترت ... وجه الوقت للرد عليها
الموضوع بدأ لما قريت البوست بتاع لوزة ... عجبنى جدا .. بدليل انى هنيت لوزة عليه وقلتلها يجعله فى ميزان حسناتها . زى ما كلكم قلتوا .. ودخلت عشان اوقع فى التصويت عشان ابقى ضمن الاتنين مليون ايجابى .. وبعد الاجراءات والاسم والسن والمكان .. زى ما كلكم عملتوا ضغطت على ايقونة تأكيد التصويت .. وبعدين وجدت .. صفحة تؤكد التصويت بتاعى .. والصفحة ايضا تحوى كمية من الصور الاباحية اعجز عن التعبير عن مدى قزارتها عشان انا بتكلم فى مدونة محترمة
وعرفت ساعتها الحقيقة
الموضوع يا جماعة اكبر من كدة بكتييييير .. الموضوع مش مجرد سب الرسول او اساءه للاسلام
الموضوع يرجع لخطة محكمة .. خطة لغسيل العقول .. وطمس المبادئ والافكار.. خطة اخراج جيل اسلامى تعبان ضعيف .. لا يمت للاسلام بأى صلة .. خطة لدفن اى محاولة حتى للدفاع عن الاسلام .. ويشهد على كدة الاتنين مليون مسلم .. اللى هيدخلوا وتتاح لهم الفرصة ان تقع عينيهم على اشياء تغضب الله .. مش كلهم هيتأثروا اكيد .. لكن الناس كلها مش زى بعضها .. واللى منهم هيقع .. هتبقى مكسب للأعداء اصحاب الشيطان .. حتى لو واحد وقع .. هيبقى فى صالحهم .. واحنا بسطحيتنا وسذاجتنا .. وانا اولكم .. استجبنا للطعم اللى حطوه لينا .. ومين عارف كام واحد لغاية دلوقتى وقع ف المصيدة .. اظن وضحت الصورة
الله سبحانة وتعالى يدافع عن رسوله .. والاسلام .. والمؤمنين .. ولكن اذا كان كدة .. لية حالتنا تعبانه وديننا ورسولنا كدة بيتهانوا بكل سهولة؟؟
أظن انه حان الوقت ان كل واحد يقف وقفة مع نفسة .. ويصلح من نفسة ويجعل كل خطوه .. وكلمة .. وعمل . فى مرضات الله .. لأن لو احنا اتصلحنا من نفسنا .. ساعتها ربنا هيقف جنبنا ويدافع عننا .. وساعتها هنقدر ندمر خطتهم بعون الله .. ونرفع راية الاسلام
رجاء اخير للوزة .. ياريت تزيلى رابط التصويت
شكرا
15 comments:
اولا مساء الخير .. وفيييييييييييييييينك يا بنتي
وثانيا شكرا على الاطراء وشكرا على التهزيق ..
ههههههههههه
لا لا بتكلم جد شكرا بجد انتدايما بتخدي بالك من حجات انا مبخدش بالي منها خالص
وعموما انا دخلت صوت باكثر من ايميل واثر من يوزر ..
بس مشفتش حاجه والله
بس شكرا على قوه ملاحظتك .. وفكره يوم التعليق اياه انت برضو الي اخدتي بالك من الملحوظة الي كانت مكتوبه
والله بهنيكي على قوه الملاحظة
وعلاشان كده انا مش هحط الرابط تاني انا يمكن الغيه
سلام يا عسل
وخليني اشوفك
على فكره انا ببعتلك افلاين بس انت مبترديش مش عرفه فين المشكله
سلام
من سيء الى اسوء و الله و حالنا بقى مخزي
فاكرة اغنية الحلم العربي
اول ما طلعت انا فاكر في اخر التسعينات كانت لسة الاغاني بتأثر فينا
دلوقتي اوبريت الضمير العربي و بنتفرج عليها و من غير تاثر اللهم القلة بس
اوزني على كدة كل امور حياتنا
لوووووووووووووووزه
وحشانى يا عسل والله
انا من رأيي فى الحاجات دى بالذات نكتفى اننا نعبر عن مشاعرنا بنفسنا منغير ما نشترك فى تصويتات وحاجات احنا اصلا مش عارفين مصدرها .. عشان فعلا دى كارثة كبرى
ومفيش تهزيق ولا حاجة .. ما انا زيك بالظبط
بس مشلتيش الرابط برضه
يالا شيلى .... دلع بنات
شااااااااااااااااااه .. عندنا؟؟؟
لا لا لا انا هيغمن عليا على طول
نورت يا باشا .. ايه الغيبة الطويلة دى؟؟
طبعا مفيش اختلاف ان الاحوال متسرش ابدا ... لكن لو كل واحد مننا بص لنفسة .. وحاول يصحح اخطاءه بضمير .. ولمرضات الله .. بيتهيألى الامور هتختلف عن كدة كتيير
وخد بالك يا شاه موضوع الوطن هين .. بالنسبة للإساءه للرسول .. احنا اتهانت كرامتنا.. وجه الوقت ان الواحد يقف مع نفسه وقفة رجالة
المهم سعيدة بيك يا شاه .. ومتغيبش تانى
لولا
صلى على النبى
صلى الله عليه وسلم
من رائى اننا لو ادينا للناس دى فرصه يخلونا نقترع على رسول الله
ومنا من يوافق ومنا من يرفض ويشجب
دى خطوة
ربما بعدها يطلبون منا التصويت على ذات الله نفسه سبحانه وتعالى
يعنى يعملوا تصويت مين بيحب ربنا ومين مش بيحبه
ماهو الى بيتجارأ على عمل تصويت للمسلمين وهو متاكد من رائيهم بيكون عامل خطه فى راسه
الخطوة الاولى الاقتراع على الرسول
والثانيه الاقتراع على رب العزة سبحانه وتعالى
منتهى السزاجه لو حد دخل وصوت على الاقتراع
تحياتى لموضوعك
وجزاكى الله خيرا
تحياتى
برضو المدونه عندك الدخول فيها صعب
لما ندخل على شويه النقط ...اقصد المدونه الى اسمها ....نلاقيها لناس ناس
مع ان ده ممكن يحصل على الميل او اى وعاء كتابى اخر غير المدونات
وبعد دخلت على المدونه دى اخيرا
جيمز برضوا بس اقصر قليلا من بتاع لوزة
ما علينا ربنا يزيد يا ستى
تحياتى
ممكن
وجزاك مثله يا فندم
وبعدين انت بتحسسنى انك تايه فى مجاهل المدونات عشان توصل ... وجايم اوفر
كأننا فى الادغال
فى ايه يا ممكن؟؟؟
تحب اجيبلك خريطه؟؟
يـا رســول الله عـــذرا قالـت الدنـمـارك كـفـرا
قـد اســاءو حـيـن زادو في رصيد الكفـر فجـرا
حاكـهـا الاوبــاش لـيــلا و استحلوا السب جهرا
حـاولـوا النـيـل و لـكـن قـد جـنـو ذلا و خـسـرا
كـيـف للنـمـلـة تـرجــو أن تطـال النـجـم قــدرا
هل يعيب الطهـر قـذف ممـن استرضـع خـمـرا
دولـــة نصـفـهـا شـــاذ ولـقـيـط جـــاء عــهــرا
آه لـــو عـرفــوك حـقــا لاستهامـو فيـك دهــرا
سـيـرة المـخـتـار نـــور كيف لـو يـدرون سطـرا
لـو درو مـن أنـت يـومـا لاستـزادوا منـك عطـرا
قـطـرة مـنـك فـيــوض تستحق (العمر) شكرا
يـا رســول الله نـحـري دون نحرك أنـت أحـرى
أنت في الأضـلاع حـي لم تمـت و النـاس تتـرا
حبـك الـوردي يـسـري في حنايا النفـس نهـرا
أنت لـم تحتـج دفاعـي أنت فـوق النـاس ذكـرا
ســيـــد للـمـرسـلـيـن رحمة جـاءت و بشـرى
قــــــدوة لـلـعـالـمـيـن لو خبت لـم نجـن خيـرا
يــا رســول الله عـــذرا قومنـا للصمـت أسـرى
نــدد الـمـغـوار مـنـهـم يـا سـواد القـوم سكـرا
أي شـئ قــد دهـاهـم مـا لهـم يثنـون صـدرا ؟
لـم يعـد للصمـت معنـا قـد رأيـت الصمـت وزرا
ملـت الأسـيـاف غـمـدا ترتـجـي الآســاد ثـــأرا
إن حـيـيــنــا بـــهـــوان كان جوف الأرض خيـرا
يـألــم الأحـــرار ســـب لــرســول الله ظــهــرا
و يـزيــد الــجــرح أنــــا نسـكـب الآلام شـعــرا
فـمـتـى نـقــذف نــــارا تـدحـر الأوغــاد دحـــرا
يـا جمـوع الكفـر مـهـلا إن بعـد العـسـر يـسـرا
إن بعد العسر يسرا
سفير السلام
جميل الكلام ... شكرا ع المشاركة
و .... ان بعد العسر يسرا
السلام عليكم
والله كلام معقول
لكن مين سمعك
على العموم الله يرحم أيام زمان
.................................
معل تحياتي
TAZ
تسلم ايدك
مع انى بعترض على عباره الاسائه للروسول او النيل من الرسول
يا ججماعه الناس دى متعرفش الرسول ولا تسمع عنه
هما كل الى بيعملوة بيحقروا من شئننا احنا
يعنى بيقولوا الناس المسلمين دول زباله
ميقدروش يعملوا حاجه
عارفه لما انا اشتم لدكتور بتاعك الى انتى مرتبته بيه جدا قدامك
انا ولا دكتور ولا نيله
وكلامى مش هيعزل الدكتور ولا يقلل من قيمته
لكنى بستفزك انتى
وبقولك انتى ضعيفه ومتقدريش تدفعى عنه
علشان كده بعترض على كلمه الاساءه للرسول او النيل من الرسول
لان المقصود اتباع الرسول
احنا
غثاء السيل
او محتوى القصعه
لو مش عارفه اخر كلمتين هبقى اوضحهم
البوست رائع جدا
ربنا يجعله فى ميزان حساناتك
تحياتى
الله يخليك يا ممكن
فاهمة الكلمتين طبعا ... وده للأسف اللى اشار اليه الرسول عليه الصلاه والسلام .. وفعلا تداعت علينا الامم كما تتداعى الاكله الى قصعتها
ووجهه نظرك سليمة .. بارك الله فيك
هالوووووو
موضوع جميل احييكي عليه
انا عملت موضوع جديد ومستني ردك اللظظظظظظظيظظظظظظ
الملظلظ
تحياتي وحركاتي
تامر حسين
شكل حضرتك غلطان في العنوان
ههههههههههههههههههه
حمد الله ع السلامه يا تامر
Post a Comment