هاى يا جماعة ... وحشتونى كلكم .. النهاردة 24 مارس .. النهاردة تقريبا آخر الشهر .. الناس آخر الشهر يا ترى بتعمل ايييييييييييه؟؟؟؟؟؟
سيداتى آنساتى سادتى ... انا قبضت النهاردة .. وده اول يوم اقبض فيه .. ده اول يوم آخد فلوس من إيد شخص تانى غير مامتى .. بس ده ميمنعش طبعا ان العادة دى هتستمر برضه .. مامتى الخير والبركة
وطبعا هتسألوا كام .. طبعا انا مش هقول منعا للحسد .. والغيرة .. والحقد الطبقى .. وأخيرا .. منعا للإحراج
سبحان الله .. لما قالولى فى قبض النهاردة .. حسيتها حاجة عاديه .. لكن اول ما خرجت من الخزينة وف ايدى فلوس .. حسيت احساس تانى خاااااالص
وطبعا .. اشترينا النهارده خمس فرخات .. وبكرة خمسة وعشرين فى الشهر .. والقمر النهاردة على شكل خمسة
والله اكبر الله اكبر
2 comments:
يا حليله يا حليييييييييله
قبضتي مين يا عم
ده تلقيهم خمس ملليم ..
طيب فهميني ازاي قبضتي ومعندكيش رصيد ترني عليه ها
...
دوله تلقيهم ادوكي ملليم مهو عرفين ان اسمك مليم الباين ...
يا جماعه يا ناس هله من فقرها مسمينها مليم
فضحتك في كل حته ...
وبقت فضحتك بجلاجل
ههههههههههههههههههههه
مش خمس ملاليم يا خفة
وعاجبنى اسم مليم
شوفى نفسك انت وانت لسة عيلة بتاخدى فلوسك من مامى وبابى
ههههههههههههههههههههه
Post a Comment