فعلا .... ظاهرة عجيبة .. كنت بتغاضى عنها فى بعض الاحيان ومعلقش ... لكن لما الحكاية زادت قلت مبدهاش ... لازم اتكلم
اقصد بالظاهرة العجيبة حكاية غلق المدونات .. غريبه قوى فعلا .. غرابة تدعو الى الاستفزاز
اقصد انى لما بدأت افكر اعمل مدونة .. كان هدفى انى اخلى الناس تشاركنى بالآراء .. او بإقتراحات .. كنت عاوزة الناس تشاركنى حتى بالدمعة .. او الابتسامة .. هى دى فايدة المدونة من وجهة نظرى
لكن لو كنت عاوزة احتفظ بآرائى لنفسى .. كان على ايه اتعب نفسى واعمل مدونة واظبط فيها .. وفى الاخر تبقى مغلقة وبدون زوار
يعنى سورى فى التعبير .... ودنك منين يا جحا
كنت احتفظت بمواضيعى لنفسى .. جوه دماغى يعنى .. منغير مدونات
لكن مدونة ... مغلقة ؟؟.. غريبة قوى بجد
بدعو كل واحد عامل العملة العجيبة دى يرجع فى كلامة ... او يقفل مدونته خالص .. لانها كدة ... تبقى فقدت فايدتها .. وتبقى مالهاش لازمة
وتوتة توتة ... فرغت الحدوتة
29 comments:
مساء الخير ياقمر
وحشانى موووت
عاملة ايه اتمنى تكونى بخير دايما يارب
موضوع جميل انك فتحتيه
خصوصا انى عملت العملة دى قبل كده وقفلت مدونتى
ههههههههه
بس عاوزة اقول لك ان مش دايما الدافع بيبقا ان الواحد خلاص مش عاوز اراء الناس ولا انه قرر فجأة يبقا لوحده الفكرة بس ان بتحصل احيانا ظروف خارج إرادتنا ف بنضطر نعمل كده
يعنى انا مثلا كان فى مضايقات بتجى لى فى التعليق وبعدين فضلت فترة تعبانة نفسيا من كده وقررت اقفلها
وبعدين لما فكرت قلت لأ انا كده ضعيفه
ف قررت ارجع
فى ناس كانت المدونة بالنسبة لهم اصلا
مساحة من الحرية فى عالم افتراضى
مقدروش ياخدوها فى الحقيقة
لما بعض اصدقاءهم فى الحقيقة
او اقاربهم عرفوها ووصلوا لها
كان لازم يقفلوها
يعنى غالباً الظروف بتكون خارجة
عن الإرادة
انا اسفه اوووى
أنى طولت فى الكلام
بس بجد موضوع جميل انك تتكلمى فيه
تحياتى ياقمر
اووووووووووووووووف ايه الي انا كتبته ده ...
ههههههههههههههههههههههههههههههههههه
والله هي فعلا حاجا غريبه
بس يمكن الي قفل مدونته يكون قفلها بطريق الخطأ او حد المعقدين نفسيا سرق الباس وورد بتاعها زي تلت تربع الناس الي هوايتها تسرق باس ووردات غيرها وبدل ميكحلها عماها
او يمكن واحد بائس زهق انه مهما اتكلم لا حياه لمن تنادي
ربنا ادري بحال الناس
عمتا انتي ولوزه منورني علي طول واول مقريت التعليق عندي جيت جري وقعدت اتنطط من فوق البلوجات زيك ههههههه
تحياتي حاتي باتي
حرامييييييييييييييييييييي
هههههههههههه منور يا تامر والله البلوج دايما بينور بوجودك ...
وحلوه اتنطط ده ...
كيخ كيخ كيخ ....
هههههههههههه
بهرج على فكره اوعاك تزعل ...
اوعاك تزعل
هي الكلمه دي لسه موجوده في عام 2007
ههههههههههههههههههههههههههههههههههه
تحياتي بقي
الموضوع هذا صحيح يسبب زعل
مثلا زعلت لما مدونة بروكن اتصكرت
لكن
سواء قعدت المدونة مفتوحة أو اغلقها صاحبها
هذا يعتبر حرية شخصية
احيانا انا نفسي اكتب كلام على الورق
و بعد شهور اقراه و اقطع الورقة
يعني من رأيي ما تزعلي
هذا الكلام قديم جدا من أيام الخمسينيات أنا برأي إنا هذا حريه شخصية .... على العموم البلج كله جميل جدا بس الأسلوب قديم .... بس إللي محيرني الأسماء لوزة ولللا . على العموم أرجو منكم تصفح البلج الخاص بي علشان تعرفو طريقة الحوار .....
وشكرا .............
انا اسفه جدا ع التاخير
princess dodo,
حبيبتى نورتينى
وكلامك منطقى وجميل
بس المضايقات او التعليقات اللى مش عاجباكى طنشيها
ولا كأنها موجوده
ع العموم انت مطولتيش ولا حاجه .. انت نورتى
loza,
على فكره كان فى عريضه انت عاملاها قبل الكلام ده وانا قريتها من الموبايل ولحقتك
على العموم البوست ماكانش ليكى بالذات والله .. اصل اللى قفلو مدوناتهم كترو وانا بحب استفيد واكلم كل الناس وزعلت لان معظم اللى قافلين مدوناتهم اثرت فيا وكنت بستفيد منهم بجد
ببساطه عشان بحبهم مش تعدى على حريه الآخرين زى ما بيقولو
والرد يا يوتا
الحديث ... ان شاء الله لما افضى وهبذل ما فى وسعى
تريبل اكس.... هدخله .. بس اوعى تغيرى الكالون هههههههههههههه
الطموح .. براحتك يا لوزه .. بس هو كان اروع من مجرد بلوج
وكلامك كان جميل .. بس طويل فعلا
سلام
تامر
بنورك يا تامر والله .. انا مبسوطه بيك قوى بجد
وكلامك مقنع فعلا .. انا مفكرتش فى الظروف دى
بس مين الرخم صاحب الهوايه الرخمه دى؟؟
على العموم انا خدتنى الحميه لان اللى قفلو مدوناتهم دول بحبهم قوى وكده هفتقدهم قوى
ميرسى على تعليقك يا تامر
تحياتى
butterfly
اولا .. شكرا على الزياره الجميله
ثانيا .. عندك حق هى حريه شخصيه
وانا مش زعلانه من كده
انا كان قصدى ان كده المدونه فقدت فايدتها الاساسيه وهى الحوار.. والمشاركه
لكن لو الهدف من المدونه التخزين لأمور ومواضيع شخصيه فده على عينى وراسى
وشكرا على تعليقك
sylvester,
اهلا يا فندم
ميرسى جدا ع التعليق الرائع والكلام اللى بينقط مجاملات ده .. ده انا مش عارفه اروح منك فين
بجد اخجلتم تواضعنا
ده احلى تعليق جالى فى حياتى كلها
ذوق ايه ولباقه ايه
بجد مش عارفه اقولك ايه
انا جايالك دلوقتى عشان اتعلم طريقه الحوار .. منكم نستفيد
وشكرا.......
بحكم ارتباطنا بالمدونات نفسياً بنزعل لأن صعب تبقي متعودة كل يوم الصبح تدخليلهم وتقريلهم ولما تتقفل تلاقي نفسك لأنك متعودة تقريلهم تفتحي وكل يوم تقري كلمة عدراً تم قفل المدونة وتقولي انا امتى حأفتكر انها تقفلت خلاص
فعلا بنرتبط بيهم وبنزعل عليهم
بس اغلب قفل المدونات بتكون لأغراض في صالح المدون
واغلبهم في الفترة الاخيرة لاحظة انهم بيفتحوا مدونات تانية مليانة امل وبينسوا الألم الي كان في المدونات السابقة
فأنا في الحالة دي بفرح قوي
سلام ياقمر
وحشتيني
lolla...
انت احلى للولا في الدنيا عموما ...
والسيد سلفستر خودي منه حقك تالت ومتلت متسكتلوش متسكتلوش هههههههههه
هسيبك عليه ...
يا أستاذة لولا أولا أنا مسامحك على الكلام بتاعك بس ده ميعنيش إنك تتمادي في كلامك وإلا هتشوفي الوجه التاني ألا وهو الوجه الشرير لسلفستر . وأنا أتمنالك ماتشوفيهوش .... وبالنسبة لمواضيعي فده حية شخصية . والأفضل إنك تخليكي ذي الأخت لوزا طيبة وهادية ومتقيه شري .....................................
.....................................
ههههههههههههههههههههههههههههههههه
مع السلامة ياااااااااااا لولا
معليش يا دكتورة لولا . ده كان كلام وبس وإن شاء الله نكون فريق ممتاز . ده إذا كان عاجبك طبعا ..................... مع تحيات ... سيلفيستر .... ههههههههههه
باي باي باي باي
يا دكتورة
السلام عليكم و رحمة الله و بركاته
كتير من المدونات بنلاقيها قفلت
و بنزعل
بس مش معني دا ان اقول خلي افكارك في دماغك لأني ممكن جدا يكون الكتابة في المدونة بتشيل هم كبير بيحس بيه الكاتب و مجرد مبيكتب في المدونة و يحط صورة بيحس بانتعاش و ان زاح هم كبير من قلبه ,,
و ساعات مدونات بتقفل عشان تشوف اد ايه الناس بتحبها و دا برضوو لظروف نفسية كتير منا اوقات بيحس انه وحيد و بيفقد الامل في كل شيء و عايز لو اس حد يقوله لا اكتب أحنا بنحبك , دا بيفرق معاه جدا و بيحسسه انه محبوب و ان كتاباته بتفرق مع الناس
و علي كل حال دي من وجهة نظري حرية شخصية , يقفل يفتح كل حر في رأيه
تحياتي و تقديري للمناقشة الرائعه
:)
lolllaaaaaaaaaaaaaaaaaaaaaaaaaaa...
بصي بقى أنا هغير التامبلت العجيب ده خلاص انا تعبت منه اتحولت ...
اتحولت والله ...
هشوف حاجه تانيه ..
بس سؤال عيزه الخلفيه لون فاتح أو غامق ...
انا بفضل الغامق ..
يإما اختاري ... وقوليلي احط ايه ..
المهم الوضع ده يتغير .. مش مستعده امشي اضبش ..
واااااااااااااااااااااااااك
معاكى كل الحق
لكن لما احس انى بقول كلام محدش عاوز يفهمه
او افكارى محدش عاوز يفهمها
او بيقص يفهمها غلط يبقى الافضل اقفل مدونتى
كمان لما احس انى بقول كلام فارغ مش هيفيد اى حد يبقى الاولى انى اسكت
قال رسول الله صلى الله عليه وسلم
من كان يؤمن بالله واتليوم الاخر فليقل خيرا او ليصمت
صدق رسول الله
مش كده ولا ايه
المدونه بتعتك جميله
كمان الابوست الى بعلق عليه حلو اوى
تحياتى
اهلا ممكن فينك ...
مبسوطه انك عندنه ..
للولا هترد عليك بس مش دلوقتي لان عندها امتحنات ..
ادعيلها والنبي
تحياتي
youma,
وانت وحشتينى اكتر والله
هو ده الكلام اللى انا بقصده ... لأنى كنت متعودة افتح مدونة ليندا ولوزه وحدوتة .. اللى انا بحبهم قوى .. وبعدين اتقفلت حسيت فعلا بالوحده الشديدة
نورتينى .. اوعى تتأخرى عليا كده تانى
loza,
وانت احلى لوزه متقشره فى الدنيا ههههههههههههههههههههههه
وسيلفستر اخدت حقى منه بالفعل .. لسه هرد عليه دلوقتى لانه شكله زعل
ويييييييييييييييييييييي
وغيرى زى ما انت عاوزه .. انا برضه بحب اللون الغامق .. بس انا عاوزاه لون مفرح بقدر الامكان .. يعنى اوعى تروحى ناحيه الاسود .. ماشى؟؟
loza,
نسيت .. سلامتك من التضبيش
ههههههههههههههههههههههههه
sylvester,
ايه ياعم سلسلة الرعب اللى انت عاملها دى
مهو سبب الرد بتاعى هو اول تعليق ليك .. بالله عليك اقراه تانى ده مرعب
خمسينات .. وقديم .. وطريقه الحوار ..رعب
ومهما قلبت ع الوش التانى عمرك ما هتاكل تويتى برضه ..هههههههههه
واذا كنت معتبر مواضيعك حية شخصيه . انا بقى اعتبرها عقربه شخصيه
وينفع نكون فريق كويس .. ده فى حاله اذا عجبنى .. انا لسه مقررتش
ولوزه انت متعرفهاش .. ده انت حظك كويس انك وقعت معايا من الاول .. قال هاديه قال هههههههههههه
ع العموم مفيش بيننا زعل يا فندم .. انا كنت بغلس بس
يالا بالتوفيق
ان شالله يكون الحوار عجبك
والقادم اجمل
اهلا يا جميل .. منورانا
كلامك منطقى جدا فعلا .. بجد انا استفدت منه
استنى
حدوته .. ليندا .. لوزه .. بجد مدوناتكم كانت جميله ورائعه وتفتح النفس .. وانا اتمنى واكيد مش انا بس .. اكيد الكل يتمنى انكم ترجعوا تنورونا تانى بكتابتكم .. والدليل على كده كل الناس اللى كانت بتعلق بإعجاب .. بجد هبقى سعيده انكم ترجعولنا تانى
ميرسى يا جميل انك ادتينى الفرصه دى
ويارب اكون عند حسن ظنك دايما
momken,
ازيك .. نورتنا بتعليقك الجميل .. والاجمل انك جبت معاك سيرته العطرة
عليه الصلاة والسلام
انا معنديش رد على كلامك لأنه مظبوط ميه فى الميه
بارك الله فيك
loza,
انا فعلا يا لوزه .. مشغوله فى المذاكره جدا وخلاص الامتحان يوم الاحد الجاى ان شاء الله
ومجيتش هنا غير لأنكم وحشتونى
بس غالبا هغيب كده حوالى شهر ...هحاول خلالها بقدر الامكان آجيلكم
موصكيش ع المدونة .. مش عاوزه آجى الاقيها مولعة .. او .. مغلقه
دعواتكم كلكم بقى .. لانى مش هعدى غير ببركة الدعاء
هتوحشونى
سلام
حاضر يا ستي انا هفرفشلك الحكايه خالص ولا يهمك سبيها عليه ...
وهتغيبي ..
:((((((((((((((((
واااااااااااااااااء وااااااااااااااااااء ..
والنبي متتأخريش وانا هدعيلك ربنا يقرب ورقة زميلك منك ... ويبعد أعين المراقبين عنك ...
وينزل على الجمعه قنبله ذريه .. ويفجر كلية الطب بقنبله نووية ..
مش حافظة الباقي ..
كملي انت ..
سلام يا خفه ..
Post a Comment